SC-in acting DGP-ah police officer-te ruat lo turin hriattir

Supreme Court chuan nimin khan state leh union territory zawng zawng hnenah acting Director General of Police (DGP) atan police officer ruat lo turin a hriattir.

Chief Justice Dipak Misra kaihhruai bench chuan state tinte hnenah DGP emaw Police Commissioner emaw atana ruat theih tura ngaih, an state-a police officer senior te hming list chu Union Public Service Commission (UPSC) hnenah thawn vek turin a ti.

UPSC chuan list an dawn aṭang hian police officer pathum thlang chhuakin, state sorkar te chuan heng zing aṭang hian police hotu tur hi an thlang thei dawn tih bench chuan a sawi. Bench-ah hian Chief Justice bakah Justice A M Khanwilkar leh DY Chandrachud te an awm a ni.