PM Modi-a'n UP-ah Rs vbch 60,000 man project a hawng

Prime Minister Narendra Modi chuan nimin khan Uttar Pradesh-ah cheng vabeichhe 60,000 chuang man investment project 81 a hawng. Heng project hrang hrangte hi state chhunga industry sector tihlenna tur a ni.

UP Minister for Industries Satish Mahana chuan project an hawn thar hian mi nuai hnih chuang tan hna thawh tur a siamsak thei dawn a ni, a ti.

Nimina project thar hawnnaah hian sumdawng lian eng emaw zat an tel a, an zingah hian Aditya Birla group chairman Kumar Mangalam Birla, Adani group chairman Gautam Adani, Essel group chairman Subhash Chandra te pawh an tel.