Mumbai-ah lei a chim belh hlauhawm

Mumbai khawpui chu ruahsur nasain a la tibuai hle a, Thawhlehni khan Andheri overbridge a chim hnuah nimin khan Grand Road Station-ah lei dang pakhat chu a chim hlauhawmin a khi leh. Hei vang hian motor tlan dan pawh siam danglam a ni.

Thawhlehnia Andheri Station bula Road Over Bridge (ROB) chim vang hian mi parukin hliam an tuar. He lei hi Andheri East leh West inkara dawh a ni a, lei chm hian rel service pawh a nghawng buai hle. Lei chim dan hi chhuichiang turin Railways Minister Piyush Goyal chuan Commissioner of Rail Safety hnenah a hriattir nghal a, lei chimna hmun pawh hi a tlawh tawh a, ni 15 chhunga a chim dan chhuina report thehlut turin a ti.

Goyal chaun thla ruk chhungin khawpui chhunga road overbride, foot overbridge leh pipeline chunga lei siam 445-te chu an him tawk leh tawk enfiah turin railways, BMc leh IIT te chuan joint audit an nei dawn tih a sawi.

Mumbai-ah hian ruah a sur nasat avangin nungphung pawh a tibuai hle a, kawngpui tam tak tuiin a chim a, motor tlan vel thlengin a nghawng buai a ni.