Karnataka budget: Loneitute loan ba ngaidam ṭhen dawn

Karnataka Chief Minister HD Kumaraswamy chuan nimin khan a kaihhruai sorkar hnuaia state budget hmasa ber tur chu a pharh a, budget-ah hian a hmaa an lo tiam tawh angin loneitu te loan ba ngaihdamna tur telh a ni.

CM chuan a budget speech-ah, loan ba ngaihdamte hi nationalised leh co-operative bank aṭanga loan la, cheng nuai hnih aia tam lo late an nih thu a sawi a, an loan ba aṭng hian Rs 25,000 ngaihdam sak an nih tur thu a sawi. Loan ba an ngaihdam dan hi sorkar tan pawh phurrit lutuk a ni dawn lo niin a sawi.

Kumaraswamy chuan loan ba ngaidam tur hian kum 2017, December 31 thlenga bank-a an loan ba la pe thei lote a huam dawn tih a sawi. Hetihlai hian lonetiute kum thum kalta chhunga income tax petute leh, farm loan dang late chu he loan waiver scheme hian a huam tel dawn lo thung.

Loan ba ngaihdamna tur atan hian sorkar chuan cheng vaibelchhe 34,000 a seng dawn a, mahse ba ngaihdam tur hi a tahtawla kalpui a ni dawn. Loan ba ngaihdamna tur scheme atan kum 2018-2019 budget-ah hian cheng vaibelchhe 6,500 dah a ni. He scheme hi November 1 aṭangin kalpui ṭan a ni ang.

Loneitute loan ba ngaihdam ṭhen a nih tur thu puan anih rual hian, CM chuan an state chhunga petrol leh diesel man a tipung thung. Petrol hi litre khatah Rs 1.14 leh diesel hi Rs 1.12-ah tihpun a ni a, mahse hetichung hian ṭhenawm state-te ai pawhin a la tlawm zawk tho niin Kumaraswamy chuan a sawi. Electric hman man pawh tihsan a ni a, unit khat hman man 10 paise chu 20 paise-ah tihsan a ni.