Punjab CM-in sorkar hnathawkte dope test nei vek turin a ti

Punjab Chief Minister Amarinder Singh chuan an state chhunga sorkar hnathawk, mi nuai 3.5 te chu ruihho laka an fihlim leh fihlim loh fiahna tura hunbi neia dope test nei vek turin a ti.

Dope test hi sorkar hnathawk lak thar lai te, promotion leh annual medical examination neih hunahte neih a ni ṭhin ang. Hemi kalpuina tura hma la nghal turin Chief Secrtary Avtar Singh chu hriattir a ni a, hriattirna pawh tihchhuah thuai a ni ang.

CM Singh hian ruihhlo tawlhru leh zuar, ṭum khatnaa mante pawh thi tura hremna pek an nih theihna turin Narcotic Drugs and Psychotropic Substances (NDPS) Act, 1985 siamṭha thuai tura sorkar laipui an ngen thu a sawi bawk. Dan hman mekah hian ruihhlo zuar leh tawlhrute hi ṭum hnih leh a aia tam man an nih hnuah thi tura hremna hi pek theih an ni chauh a ni. He dan hian thil sualtitu chu ṭum khat tal inhumhimna hun a siamsak a ni tiin, CM chuan hei hian ṭhalai leh khawtlang nun a tichhiat phah hle niin a sawi. Hei vang hian Union Home Minister Rajnath Singh hnenah pawh lehkha thawnin, dan hi siamṭhat thuai a ngaih thu a hrilh a ni.