Pawngsual tawktu thla laksaktu nurse man

Madhya Pradesh police-te chuan Maharaja Yeshwantrao Hospital (MYH)-a thawk senior nurse pakhat chu Mandsaur-a pawngsual rawn tawktu, hmeichhe naupang thla chu a phone hmanga a lo lak avangin an man.

Deputy Inspector General (DIG) of Police Harinarayanachari Mishra chuan pawngsual tawktu hi MYH-ah hian enkawl mek anih thu a sawi a, a awmna ward bula duty police chuan senior nurse Rama Kushwaha (50) chuan a mobile phone-in kum riat mi hmeichhe naupang thla hi a laksak bakah a medical report thla pawh a la tel tih a sawi.

Thla latu nurse hi man nghal niin, thu pawh zawhfiah a nih thu Mishra chuan a sawi. Heng thlalakte hi midang hnenah thawn a tum nia rinhlelh a nih thu a sawi bawk. He nurse hi Protection of Children from Sexual Offences Act (POCSO) leh Indian Penal Code (IPC) hnuaiah thubuai siamsak zui nghal a ni.