Amarnath Yatra titawp leh

Jammu and Kashmir-a Amarnath Yatra neih mek chu khua a chhiat avangin nimin khan a ni thumna atan tihtawp leh a ni.

Ruah sur nasain leimin leh tuiliante a thlen avangin Yatra hmang tura kalte chu nimin khan an kalchhuah khapsak an ni a, biakzina kal mi 30,000 chuang zet chu Baltal leh Pahalgam base camp leh hmun hrang hrangah an tangkhang mek a ni. Kumin June 28 aṭanga neih ṭan, Amarnath Yatra hmang tur hian mi 68,000 zet an kal a ni. Yatra hi August 26 ah a zo ang.

J&K Governor Narinder Nath Vohra chuan nimin khan base camp-te hi tlawhin, yatra hman tuma kalte dinhmun a enfiah sak bawk. Yatra an hmanna hi Baltal aṭang hian km 12 leh Pahalgam aṭangin km 36-a thui niin, mahse heng kawng pahnihte hi ruahsur nasa leh leimin vangin Nilaini aṭang khan khar a la ni.