JD(U) in NDA thawhpui zel dawn

Janata Dal United, JD(U) chuan kum 2019 Lok Sabha inthlanpui neih turah BJP kaihhruai NDA chu a thawhpui chhunzawm zel dawn tih a sawi.

Nimin khan New Delhi-ah JD(U) hruaitute chuan meeting an nei a, meeting zawh hnuah chanchin thar lakhawmtute a kawmnaah party General Secrrtary Sanjay Kumar Jha chuan he thu hi a sawi a ni.

Meeting hi Delhi-a Bihar Bhawan-ah neih a ni a, party hruaitu hlunte an tel ṭha hle. JD(U) hruaitute chuan an party president, Nitish Kumar-a thutlukna siamte thlawp zel an remtih thu an sawi bawk. Sanjay Jha chuan, "Kum 2019 inthlanpui neih tur chungchangah, thutlukna tawp chu party national president Nitih Kumar-a siam turin dah a ni", a ti. 

Seat insem chungchang la ngaihtuah lo mah se, party hruaitute chuan kum 2015-a assembly inthlanah khan BJP aiin an che ṭha zawk hle tih sawiin, he hi Lok Sabha seat insem dan tura behchhana hman an duh thu an sawi a ni.