International flight service la phalsak dawn rih lo

Covid-19 Omicron variant darh thar leh avangin, sorkar laipuiin December 15 aṭanga international flight phalsak a tum chu a sawn hla leh rih.

Directorate General of Civil Aviation (DGCA) chuan khawvel ram hrang hrang dinhmun thlirin, December 15 aṭanga international flight service phalsak tum chu tihkhawtlai a ni leh tih a sawi a, hemi chungchanga thutlukna siam chu tihchhuah thuai a nih tur thu a sawi bawk.

Sorkar laipui chuan ramdang aṭanga luh khapna hi la siam lo mah se, airport hrang hrangah khualzin lutte, a bikin Omicron variant hmuhna ram aṭanga lutte chu khauh leh uluk zawka enfiah turte, test neihsak vek turtein a hrilh tawh a ni. Heng khualzinte hi negative result an neih hma chuan airport chhuahsan phalsak an ni lo ang.