Bihar-ah RJD hruaitu lu tansak

Rashtriya Janata Dal (RJD) hruaitu Kailsah Paswan chu Bihar-a Nawada bialah mi tu tih hriat lohten a lu an tansak. A ruang hi police-ten Nalanda district-a Khudaganj biala Paimar lei hnuaiah an hmu a ni.

RJD district general secretary Kailash Paswan hi July 6 khan mi pakhat, Chhotu Gupta inti chuan panchayat meeting-a tel turin a hruai a, hemi hnu hian a chin hriat zui a ni ta lo niin a chhungte chuan a sawi. Hun eng emaw chen an zawn hnuah an hmuh mai loh avangin Chhotu Gupta lakah hian inrukbo thubuai an thehlut a ni. Thawhṭanni zan khan police-te chuan Paswan-a ruang hi an hmu ta a ni.