Delhi boruak bawlhhlawh zel tur venna atan Enforcement task force leh flying squad din a ni

Sorkar laipui chuan Delhi khawpui boruak bawlhhlawh zel tur venna atan leh, tihziaawm a nih theihna tura hma la turin enforcement task force leh flying squad din a nih thu nimin khan Supreme Court a hrilh.

Delhi khawpui boruak balin ziaawm lam a pan theih loh avangin Ningani khan Supreme Court chuan sorkar laipui leh Delhi sorkar chu darkar 24 chhunga hma an lak dan tur ruahmanna siam turin a lo hrilh tawh a ni.

Court thupek hi nimin khan sorkar laipui chuan chhangin, sorkarin dan a siamte kengkawh turin enforcement task force din a ni a, hei bakah hian boruak bawlhhlawlh dan enfiah ṭhin turin flying squad 17 din a ni bawk tih a sawi. Heng squad-te hi siam belh a, 40 thleng siam tum a nih thu a sawi bawk.