Taj Mahal hi humhalh anih loh chuan kan khar mai ang : SC

Supreme Court chuan Agra-a Taj Mahal leh a chhehvela pollution-in harsatna a thlen dan leh a chinfel dan ngaihtuahtu tur special committee din turin Uttar Pradesh sorkar a hriattir. He hmun hmingthang tak humhalh tura hma lak a nih loh chuan an kharsak mai tur thu a sawi.

Court chuan khawvel huap pawha hmun hmingthang leh khualzinte hiptu, Taj Mahal humhalh dan tur kawnga ruahmanna leh hmathlir fel tak a siam theih loh avangin Uttar Pradesh sorkar chu a dem thu a sawi. Taj Mahal humhalh tuma hmalak dan chuan beisei a ti bo hle nia sawiin, Jul y 31 aṭang chuan nitinin pollution in he hmun hmingthang tak a tichhe tur ven dan ngaihtuahin nitin hearing a nei dawn tih a sawi bawk.

Taj Mahal humhalhna kawnga Ministry of Environment and Forest-in chhanna a pek danah court hi a lungawi tawk lo hle a, 'In khar a ni loh chuan, tichhiat emaw, humhalh ṭha tura hmalak in ngai a ni", ati. Hei vang hian a humhalh dan buaipui tur bik special committee din turin a ti bawk.