Odisha-in October aṭangin plastic hman khap dawn

Odisha sorkar chuan October 2 aṭang hian municipal corporation area panga leh Puri khuaah plastic hman a khap dawn.

Chief Minister Naveen Patniak chuan Thawhlehni-a state secretariat-a ‘Ama Muk hyamantri Ama Katha’ programme an hmannaah Bhubaneswar, Cuttack, Rourkela, Berhampur and Sambalpur municipal corporations leh Puri khuaah a thawh khatna atan plastic hman khap a ni dawn tih hi a puang a ni. He khapna hi hmun dangah pawh hman chhunzawm chhoh a nih tur thu leh, kum hnih chhungin state pumah plastic hman khap hman tum a ni tih a sawi.

Naveen Patnaik chuan, "Thing phun kan uar chuan kan ram leilung hi kan venghim thei dawn a ni. Hei a chhawrtu ber chu mihringte bawk an ni a, chhungkua leh khawtlang hmasawnna turin mitinin tha kan thawh thei a ni", a ti.

Official-te chuan housing leh urban development department leh panchayati raj-te chu thingtlang leh khawpuiah te sorkar hmalakna hi a taka kalpui turin hriattir a ni a, forest and environment department chuan state chhung hmun hrang hranga plastic khuahkhirhna kalpui dan hi an vil zui dawn a ni.

State sorkar hian kum 2004, January 26 khan polythene bag micron 20 aia chhah lo hman, zawrh leh lakluhte chu Environment (Protection) Act, 1986-a Section 5 hnuaiah a lo khap tawh bawk.