Rajya Sabha-ah hun 52% chuang khawhral

Parliament Winter Session neih mekah, kar liam ta chhung kha Rajya Sabha-a rorel ṭhukhawm neih hun tur ruahman atanga 52% chu House chhunga inaubuaina leh lungawi lohna lantir avangin awmze nei loin an khawhral.

Rajya Sabha-ah hian session hmasa, monsoon session-a an chet dan mawi lo avangin eptu party member 12-te chu winter session chhung tel thei lo turin hrem leh hnuhnawh an ni. Hei hi eptu party hrang hrangte chuan na taka sawiselin, House chhunga lungawi lohna an lantir fo avangin rorel mumal thei loin inkhawm tihtawp a ni fo a ni.

Kar liam ta chhung khan Ningani leh Zirtawpni khan rorel inkhawm hi pangngai takin an nei thei a, Ningani bikah phei chuan rorel hun tura ruahman lawk aiin minute 33-in hun an hmang rei a ni. Rajya Sabha-ah hian session ṭan karah hian bill pahnih - Farm Laws Repeal Bill leh Dam Safety Bills-te pass an ni.