Loneituten committee din, nawrh chhunzawm zel an tum

Farm law duh lohna lantira nawrh huaihawt, loneitu pawl hrang hrang intelkhawm chuan sorkarin farm law hi sut tawh mah se nawrh chhunzawm zel an tum tih an sawi. Mininum support price (MSP) siamsak tura an phut chungchangah, sorkar laipui be turin committee an din bawk.

Loneitu pawl chuan member panga awmna committee an din hian an thil phut dang la tihkhawtlai mek chungchangah, sorkar laipui biain an nawr dawn tih an sawi. Farm law duh lohna lantira kum khat chhung nawrh an huaihawt laia state hrang hranga loneitute laka thubuai siamte sut turin an phut tel a ni. Nawrh huaihawt chhung hian loneitu 55,000 chuangte lakah thubuai siamsak a ni hman niin an sawi a; an zinga a tam ber mi 48,000 chu Haryana-ah thubuai hi siamsak niin, Uttar Pradesh, Uttarakhand, Himachal Pradesh, Madhya Pradesh, Chandigarh, Maharashtra leh Rajasthan-ahte thubuai eng emaw zat siamsak an awm bawk a ni.