DCW-in Delhi Police leh Education Deptt hriattirna pe

Delhi-a Rabea Girls' Public School-in hmeichhe naupang, kum 4-5 mi 59 zet te tuition fee an pek loh avangin a khungkhawm nia sawi chungchangah Delhi Commission of Women (DCW) chuan Delhi Police leh Education Department hnenah nimin khan hriattirna a pe a, hemi chungchang hi chhuichiang tur leh report pe turin a ti.

DCW chuan hmeichhe naupangte chunga Rabea Girls' Public School thiltih danah thuneituten he school chungah hian eng ang action nge a lak tih hriattir turin a ti bawk.

Hriattirna a tihchhuah DCW chuan, " Hmeichhe naupang kum 4-5 mi, mi 59-te chu fee an pek loh avangin school thuneitute chuan a hremna atan basement-ah darkar nga vel an khungkhawm nia sawi a ni. He thil hi ngaihthah mai chi a ni lo a, thil thleng ngei anih chuan school thuneitute hi hremna pek an ni ngei tur a ni", a ti.

Hetih lai hian school lam chuan he report hi thu dik lo niin a sawi thung a, hmeichhe naupangte hi activity room-ah darkar reilote chauh ṭhuttir an ni tih a sawi.