Health insurance scheme atan Aadhaar neih kher ngai lo: Sorkar laipui

Sorkar laipui chuan Ayushman Bharat health scheme hnuaia hamṭhatna dawng thei turin Aadhaar neih ngei ngei a ngai nia media-ten an tarlan chu thu dik lo a nih thu a sawi. Sorkar chuan he scheme dawng thei tur hian Aadhaar neih ngei chu duhthusam ni mah se, neih ngei ngei tur a ti kher lo niin a tarlang.

Media report chuan July 4 khan Health and Family Welfare Ministry chuan hriattirna tichhuakin, health insurance scheme diltu, Adhaar card tel loa thehlutte chuan adhaar number an dil mek tih finfiahna an thil tel a ngai niin a sawi. Sorkar chuan hemi chungchang hi sawifiahin, agency-ten scheme beneficiary te nihna dik tak an hriat theihna tura an Aadhhar number te dil tura tih a ni a, hemi rual hian benificiary te chuan Aadhaar chu nei ngei se tih chu duhthusam a ni a, mahse hei vang hian an nei ngei ngei tur tia nawrna a awm lo tih a sawi.

Ministry chuan Aadhaar neih loh vanga hnawl an awm dawn lo tih a sawi. Union Health Minister JP Nadda pawhin sorkar chuan Aadhaar nei leh nei lote chu he scheme hnuaia hamṭhatnate ang khat vek pek an ni ang, a ti.