India leh US-in tri-service military drill neih tum

India leh US chuan kumin kumtawp lam hian tri-service military drill neih an tum a, hemi atana inbiakna hi neih mek a nih thu Defence Ministry-a senior official chuan a tarlang.

Ram pahnih-a armed force wing pathumte chuan a hranin military drill hi an neih ṭhin a, mahse ruahman anga an kal thei a nih chuan Army, Air force leh Navy-te chuan joint drill hi a ṭum khatna atan an nei dawn a ni.

Hemi chungchang hi September thlaa 2 plus 2 Dialogue neih hunah sawiho a ni dawn bawk a, he inbiaknaah hian External Affairs Minister Sushma Swaraj leh Defence Minister Nirmala Sitharaman te chuan India ai an awh dawn a, US aiawhin Secretary of State Mike Pompeo leh Defence Secretary James Mattis te an tel.