'I am not afraid of English' campaign neih a ni

Haryana Education Department chuan an state chhung primary school-ah naupangten English an thiamna turin 'I am not afraid of English' campaign a kalpui.

He campaing hi zirtirtute chuan zirlaite chu English chhiar, ziah leh ṭawng an thiam theihna tura hmalakna tura tih a nih thu Education Department thupuangtu chuan a sawi. Campaign bulṭanna atan hian English sentence/pharse 1,000 vel awmna booklet siam a ni ang a, primary level-a grade 5 chin thleng tana grade tin tan sentence 200 zel dah a ni ang.

Zirlaite nitin English sentence khat tal zirtir thiam tir tum an ni a, hemi atan hian block tinah JBT(junior basic teacher) leh BRP (Block resource person) pakhat zel dah an ni ang. Hetianga zirtir an nih chuan tuna Class I zirlaite hian primary level an chhuah hunah English sentence 1,000 tal an thiam dawn niin Department chuan a sawi. He ruahmana hi kum 2018-19 chhungin state sorkar school 238 ah kalpui a ni dawn a ni.