PM rally neihnaa puan-in chimah mi 20 in hliam tuar

Prime Minister Narendra Modi-an nimina Midnapore, West Bengal-a rally a neihna hmuna puan in siam chim vangin mi 20 in hliam an tuar. Hliam tuarte hi damdawi-inah hruai n ghal an ni.

Nimin khan zing aṭangin Midnapore-ah hian ruah a sur a, PM thusawi lai hmuh tuma puan in an siam banah te mi eng emaw zat an lawn a, hei hi dawl loin a chim ta a ni. He puan in hi rally luhna pui ber bulah ruah a sur vangin mipuite tawm hul theihna tura siam a ni.

Puan-in chim a hmuh hian PM pawhin a thusawi a chawlh phah a, mipuite chu fimkhur tur leh, banahte chuan lawn lo turin a ngen. Modi chuan a bula SPG chu hliam tuarte ngaihven tur hian a tir nghal bawk. Rally zawh hnuah PM hian hliam tuarte hi damdawi-inah a kan nghal a ni.