Uttarakhand-ah tuilianin in leh dawr len

Uttar Pradesh-a Chamoli district-ah nimin zing khan Tharali leh Ghat bialah tuilian bawhawkin in, dawr leh motor eng emaw zat a len.

Chamoli-a District Disaster Management Center chuan nimin zing dar 3 vel khan Tharali-a Dharbagad area-a Pranmati lui lianin dawr 10 chuang leh motor paruk a len niin a sawi. Ruah a sur nasat avangin Dhumarl-Kundi khaw inkarah pawh lei nasa takin a min a, heng hian ran in panga leh chenna in eng emaw zat a hnawl bawk niin a sawi. Serabagad biala Maukh Malla khuaah pawh tuilianin in pasarih a len chhe bawk.

Chhiatna thlenna hmunah hian chhanchhuah hna thawktute tirh nghal an ni tih Chamoli District Magistrate Ashish Joshi chuan a sawi. Badrinath Highway pawh ruahsur nasa vangin nimin khan hun eng emaw chen khar a ngai bawk a ni.