Mayawati-in an party hruaitu a ban

Bahujan Samaj Party (BSP) hotu lu ber Mayawati chuan nimin khan an party national coordinator, Jai Prakash Singh chu Congress president Rahul Gandhi chungchang a sawi danah lungawi loin a post aṭangin a ban.

Jai Prakash Singh hian Rahul Gandhi-a nu, Sonia Gandh chu ramdang mi (foreign origin) a nih avangin Rahul hi India ram prime minister a ni thei lo ang tiin a sawi a ni. BSP hotu Mayawati chuan an party national coordinator Singh-a thusawi hi BSP kalphung a ni lo a, mimal takin party dang hruaitu a bei bawk a ni, a ti. Singh-a thusawi hi an party ngaihdan ni loin, a mimal ngaihdan a ni tih a sawi bawk. Hei vang hian party-a a nihna aṭangin ban nghal a nih thu a sawi.

Eptu party-ten thawhho dan tur an ngaihtuahah BSP pawh hi telin, BJP sorkar bei nasa bertu zingah a tel a ni. Uttar Pradesh by-poll neihah BSP hian Samajwadi Party (SP) a thawhpui a, kum 2019 Lok Sabha inthlanpui neih turah pawh Congress nen thawhdun dan ngaihtuahin an inbe mek a, mahse thutlukna erawh an la siam lo. Mayawati-i chuan party-in official-a party dang an thawhpui chungchangte an a puang a nih loh chuan, party mi leh sate chu thawhho chungchangte lo sawichhuak lo turin a ti.