Additional dose leh naupang vaccine pek chungchangah Top panel meeting-in thutlukna a siam thei lo

Ram chhunga Omicron variant kai hmuh chhuah belh an nih zel karah, Thawhṭanni khan sorkar laipui hnuaia vaccine advisorary panel sang ber chuan meeting an nei a, mahse additional dose leh naupangte vaccine pek chungchangah thutlukna mumal an la siam thei lo.

National Technical Advisory Group on Immunization (NTAGI) hian natna benvawn nei te emaw, Covid hri kai hlauhthawnawma awmte tana additional dose pekchhuah dan chungchang an sawiho a, mahse member-te an inlungrual theih loh avangin thuthlukna erawh an la siam lo. He group hian naupangte hnena Covid vaccine pek dan tur pawh ruahmanna an la siam dawn a ni.

Panel member-te chuan booster dose chungchang ngaihtuah tel a ni lo tih a sawi a, booster dose leh additional dose chu thil in ang lo a nih thu an sawi bawk. Booster dose chu vaccine dose hnih la tawh ten an lak aṭanga thla bitiam siam hnua an lak a ni a, addition dose erawh chu taksain natna do kawnga harsatna nei, hri kai hlauhthawnawma ding mek hnenah pek ṭhin an ni, an ti. Dose hnihin immunity a pui thei lo anih chuan additional dose hi pek leh ṭhin an ni.

Sorkar laipui chuan booster pek chhuah tumna a la nei lo a, union health ministerMansukh Mandaviya chuan Parliament-ah NTAGI leh National Expert Group on Vaccine Administration for COVID-19 (NEGVAC)-te chu an inrawn mek thu leh, a ṭul ngei em tih hriatchianna tura scientific evidence-te an enfiah mek thu a sawi.