Kawlphetha siamna kawngah India leh Butan thawkdun dawn
India leh Butan chuan kawlphetha siamna lama ram pahnihten hma an sawn theih nan 600 MW Kholongchhu hydroelectric project (KHEL)-a thawhdunna tur an ziak.
He project atan India-a Satluj Jal Vidyut Nigam Limited (SJVNL) leh Butan-a Druk Green Power Corporation Limited (DGPC) chu an thawkdun dawn a ni. Ram pahnihten inremna an ziah hi video conference hmanga neih a ni a, he hunah hian Indian external affairs minister S Jaishankar chuan he hmachhawp hian ram pahnihte economy lama hmasawnna tur a thlen dawn thu a sawi bakah, hna siam belh theihna a nih thu a sawi bawk.
Bhutan foreign minister Tandi Dorji pawhin hydropower sector-a thawhdunna chu an ram tan a pawimawh thu leh ṭul a tih thu a sawi a, energy lama ram pahnihte hmasawnna tur a nih thu a sawi bawk. KHEL hian kum khatah unit makta-duai 2568.88 a pechhuak thei dawn a, he project hi Bhutan hmar lama Trashiyangtse district-a Kholongchhu luia siam tum a ni. Kum 2025 kum lai hawl vela zawh hman tum a ni a, he project atana senso hi ram pahnihte hian 50:50 in an tum dawn a ni.