Kerala-ah ruahsur vangin school khar

Kerala state-ah ruah nsa taka a sur chhunzawm reng vangin nimin khan school khar a ni a, rel 12 service cancel a ni bawk.

Ruah sur vang hian Kottayam-Ettumanur section a tlan rel 10 cancel a ni a, Ernakulam-Punalur inkara tlan rel service pahnih cancel a ni bawk.

Ernakulam District Administration chuan an bial chhung sorkar leh private school-te chawlh a puang a ni.

July 9 aṭang khan Kerala-ah hian ruah sur kaihhnawiha chhiatna thlengah mi 12 in nunna an chan tawh a ni. Khawchin zirtute chuan ruah hi vawiin thleng hian a la sur chhunzawm dawn niin an sawi.

State chhung hmun hrang hrangah ruahsur avanga harsatna tawk mi 34,693 chu relief camp 265-ah an awm mek a ni. Ruah sur vang hian Kottayam district-a hmun tam zawk leh, Kottyam leh Alappuzha district hmun ṭhenkhat chu tuilianin a chim mek a ni. Harsatna tawkte chhawmdawl hna thawk tur hian member 45 awmna, National Disaster Response Force team tirh an ni.