Delhi sorkarin Delhi Golf Club lakah complaint thehlut

Delhi-a Aam Aadmi Party (AAP) sorkar chuan Delhi Golf Club chu dan loa thingluang 100 chuang kita puhin police station-ah complaint a thehlut.

Forest Department official-ten kar hmasaa Delhi Golf Club compound an tlawhin, thuneitute phalna loin an compound-a thingkung 100 chuang an kit niin an sawi a, hei vang hian Delhi sorkar chuan Hazrat Nizamuddin Police Station chuan complaint a thehlut a ni. Inspection report chuan compound chhung endiknaah hian thingkung an kihte hi an phumna hmun eng emaw zat aṭanga laichhuah leh an nih thu a tarlang bawk.

Hetih lai hian Delhi Golf Club chuan thil tih dik loh an neih loh thu a sawi thung a, an puhna chu an hming tihchhiatsak tumnaah an ngai tih an sawi. Delhi Golf Clud chu Delhi khawpuia institution upa ber zinga mi leh hmingṭha tak a ni tih sawiin, leilung humhalhna kawngah pawh theihtawp an chhuah ṭhin tih an sawi a, leilung tichhe zawngin Club leh a thuneitute chuan eng thil mah an ti lo niin an sawi a ni.