All-Party aiawhten PM Narendra Modi hmu

Kerala chief minister Pinarayi Vijayan kaihhruaiin nimin khan Kerala-a all-party aiawhte chuan Prime Minister Narendra Modi an hmu.

Kerala all party aiawhte hian an state chhunga harsatna an neih hrang hrangte an sawipui a ni a, abikin state ration quota chungchang te, Kanjikode coach factory tihkhawtlai mek te, Sabari rail project leh Westtern Ghats-a Kasturirangan report chungchanga state sorkar rawtna siamte an sawilang a ni.

June thla khan Viayan kaihhruai hian all-party aiawhte chuan PM hi hmuh an lo tum tawh a, mahse Prime Minister Office-in phalna a pe duh lo a ni. PMO chuan ration quota chungchangah chuan Food and Public Distribution Minister Ram Vilas Paswan hmu zawk turin a lo ti a ni. Hei vang hian Vijayan a lungawi lo hle a, New Delhi-a press conference a neihah PM Modi chu Kerala ngaihthahah a puh a ni.