Australia-a multinational exercise-ah IAF tel dawn

Royal Australian Air Force (RAAF) in a huaihawt tur, multinational exercise-ah Indian Air Force (IAF) chu a vawi khatna atan a tel ve dawn.

July 24 aṭanga ṭan tur, kar thum awh tur multinational drill hi Exercise Pitch Black 2018 (PB-18) tih a ni a, IAF contingent-ah hian air-warrior 145 an tel dawn a, an zingah hian Garud commando team, Sukhoi-30 MKI fighter plane pali, C-130 leh C-17 transport aircraft te an tel ang. IAF contigent hi Group Captain CUV Rao-an a ho dawn a ni. Mega exercise neih turah hian khawvel ram hrang hrang aṭangin aircraft 100 chuang an tel dawn niin IAF chuan a sawi.