Rahul Gandhi-an RTI Act thlak danglam tumna duh lo

Congress President Rahul Gandhi chuan Right to Information Act thlak danglam tum chungchangah Bharatiya Janata Party (BJP) chu beiin, sorkar laipui chu ram mipuite lakah thudik tak zep ah a puh.

Rahul Gandhi chuan hemi chungchang hi a twitter-ah tarlangin, India mi tute pawhin thu dik tak hriat an phu a ni, a ti. RTI Act thlak danglam tura a rawt chungchangah BJP chuan mipuite lak aṭangin thudik thup theih an inbeisei a, thuneihna chelh mektute chugnchang zawhna zawh theih loh an duh a ni, a ti. RTI thlak danlgam tumna chuan he Act hi hman tlakloah a siam zawk dawn a, hei hi India mipuite chuan an dodal a ngai a ni, a ti.

BJP kaihhruai NDA sorkar chuan Parliament session neih mekah RTI Act thlak danglamna tur hi pharh a tum a ni. Act siamṭhat a tum dan hi Parliament member-te pawh semkual an ni tawh. He dan siam danglam a tumnaah hian hlawh, allowance leh service chungchanga information pekchhuah ṭhin chu tihtawp a rawt a ni.