Cabinet-in PMAY-Rural Plan March 2024 thleng pawtsei

Union cabinet chuan sorkar laipui flagship housing-for-all scheme, Pradhan Mantri Awas Yojana-Gramin (PMAY-G) chu March, 2024 thleng pawhsei a remti. He scheme hnuaiah hian mi harsa zawkte tan chenna in vaibelchhe 2.95 sak tum a ni.

Union information and broadcasting minister Anurag Thakur chuan March 31, 2021 thleng in sak la hmabak, nuai 155.75 sakna tur sum chu pek a ni dawn tih a sawi.

"March 2024 thlenga scheme pawhsei a nih chuan in sak la hmabak, nuai 155.75 chu kan sa zo hman dawn a ni. PMAY-G hnuaia thingtlang khuate tana ‘Housing for All’ kaltlanga pucca in, vaibelchhe 2.95 leh khawsakna tura mamawh zualte pekna tura kan intiamna chu kan tihlawtling thei dawn a ni," tiin cabinet chuan a tarlang.

Cabinet chuan November 29, 2021 thleng khan PMAY-G hnuaiah in sak tum, vaibelchh 2.95 aṭang hian chenna in vaibelchhe 1.65 sak a ni tawh a, August 15, 2022-ah chuan vaibelchhe 2.02 sak zawh hman tum a ni. Target hlen a nih theihna tur hian March, 2024 thleng he scheme hi pawhsei a ngai ta a ni.

Cabinet meeting-ah hian Rs vbc 44,605 senna tur Ken-Betwa river linking project siamna tur pawm a ni bawk.