PM Modi-a'n senior minister-te meeting neihpui

Prime minister Narendra Modi chuan nimin khan a senior minister-te meeting a neihpui a, Parliament Winter Session neih mek kalpui zen dan turte an sawiho.

Nimina meeting-ah hian home minister Amit Shah finance minister Nirmala Sitharaman, sports minister Anurag Thakur, food and public distribution minister Piyush Goyal-te pawh an tel.

Parliament session neih mekah Rajya Sabha lamah chuan eptu MP 12-te suspend an nih avanga eptu member-te lungawi loa an aubuai ṭhin avangin ṭum eng emaw zat rorel inkhawm tihtawp a ngaih phah a ni. Lok Sabha lamah pawh rorel mumal thei loa eptu lamte an thil phut chungchangah an aubuai fo avangin inkhawm pawh tihtawp a ni fo bawk.

Session neih mek hi November 29 khan neih ṭan niin, December 23 thleng neih tum a ni.