Trucker-ten fuel man tihtlawm phutin nawrh huaihawt

Motor lian khalhtu, trucker-te chuan nimin khan an thil phurh hrang hrang tihhlawhtling tura nawrnan ram pum huapin tiam chin awmloa nawrh an huaihawt. Trucker-te thil phut zingah hian diesel man tihhniam leh toll fee tihtlemte a tel.

Nawrh huaihawt an tum thu hi May 17 khan an lo puang tawh a ni. Nimin aṭanga nawrh huaihawt hi member matkaduai 9.3 chuangin an zawm niin an sawi.

All-India Motor Transport Congress core committee chairman Bal Malkit Singh chuan an thil phut chungchang sawipuiin Union transport minister Nitin Gadkari chu an hmu tawh a, mahse inremna an siam thei lo niin a sawi. Nizan khan finance minister Piyush Goyal hmuh leh an tum bawk.

Bal Malkit Singh chuan trucker-te nawrh huaihawt vanga ni khata sum hloh tur hi cheng vaibelchhe 4,000 vel a tling niin a sawi. An thil phut zingah diesel man chu GST huam tel tir a, ram pumah a man in ang tlanga siam a duh tih an sawi a, hei bakah hian fuel man ennawn ṭhin pawh kum khatah ṭum li zel ni se an phut bawk.