PM Modi-a'n Varanasi-ah Kashi Vishwanath Corridor a hawng

Prime minister Narendra Modi chuan nimin khan Varanasi-ah cheng vaibelche 339 senga siam, Kashi Vishwanath Dham Corridor phase 1 a hawng.

PM hi ni hnih cham turin Varanasi-ah hian a zin a, nimin zing khan Kashi Vishwanath Corridor a hawn hma hian Ganga luiah inchiahin, Kaal Bhairav temple-ah a ṭawngṭai a ni.

Kashi Vishwanath Corridor project hi Kashi Vishwanath temple leh Ganga lui hrula ghat-te inkalpawhna tura siam a ni a, hei hi sakhaw thila kalte tana chetvelna awlsam zawkna tura ruahman a ni. Project thawhna tur lungphum hi kum 2019 khan phum a lo ni tawh a, project pum zawhfelna tur hian cheng vaibelchhe 800 ruahman a ni.

A thawh khatna, nimina PM-in a hawn tak hi square feet nuai 5-a zauah siam niin, building 23 a awm.

Modi chuan Kashi Vishwanath Corridor a hawn hnu hian he corridor siam hna thawktu ṭhenkhat chu chaw chhun a eipui a,hnathawktute chungah lawmthu sawiin he project zawh a nih theihna tura rim taka thawktu UP sorkar leh chief minister Yogi Adityanath-te pawh a lawmpui thu a sawi.