Vaccination certificate-a PM thlalak dah chungchanga Petition thehluh Kerala HC-in a ngaihtuah

Kerala High Court chuan nimin khan Covid-19 vaccination certificate-a prime minister Narendra Modi thlalak dah tel chungchanga petition thehluh a ngaihtuah.

Petition thehluttu hi Kottayam-a cheng, Peter Mayaliparambil a ni a, certificate-a PM Modi thlalak dah hi fundamental rights palzutna a ni, a ti. Vaccinational certificate-a PM thlalak dah chu inkaihhnawihna engmah nei lo a ni a, ram dangte certificate pek chhuahte nen khaikhin pawhin thil ṭul lo tak a ni, a ti. "Sorkar thuchah leh campaign-na, sorkar sum hmanga tihchhuahah eng political leader thlalak dah a ni tur a ni lo," a ti.

Hetih lai hian petition ngaihtuahtu, Kerala High Court chuan certificate-a PM Modi thlalak dah a nih avanga harsatna a awm a hriat loh thu a sawi thung. Petition thehluttu hnenah hian India ram mipuite vaibelchhe 150 velin engmah an sawisel loh laia hetianga a lo sawisel bikna chhan hi zawtin, eng vanga Prime Minister chu zahpui nge tiin a zawt let a ni.