Parliament-in CBI Director term pawhseina tur bill pawm

Central Bureau of Investigation (CBI) Director term kum hnih ni mek, kum nga thlenga pawhsei theihna tur bill siam chu nimin khan Parliament-ah pass a ni.

Minister of state for personnel Jitendra Singh chuan nimin khan Rajya Sabha-ah 'The Delhi Special Police Establishment (Amendment) Bill, 2021' hi a pu lut a, eptu member-ten MP 12-te hrem an nih avanga lungawi loa an chhuah tauh hnuah he bill hi voice vote hmangin pass a ni.

Lok Sabha-ah chuan December 3 khan pass a lo ni tawh.

Parliament session ṭan hma hian sorkar laipui chuan CBI leh Enforcement Directorate (ED) hotute term pawhseina tur ordinance hi a lo tichhuak tawh a, session neih hnuah heng ordinance thlakna tur bill hi a pulut leh a ni.