Prime Minister Modi a lar avangin dan loa insawisak hlumna a hluar: Union Minister

Union Minister Arjun Ram Meghwal chuan Prime Minister Narendra Modi a lar chhoh zel avangin a hming tijchhiat tumna kawng khat atan dan loa insawisak hlumna thleng pawh a hluar ve zel niin a sawi.

Kar kalta Zirtawpni khan Rajasthan-a Alwar district-a bawng tawlhrua puha mi pakhat chu bawng humhaltu intiten an sawisa hlum leh a ni. He thil thleng chungchang hi sawichhuakin, Union Minister of State in Ministry of Water Resources Meghwal chuan PM Modi-a hawtute chuan a kaihhruai sorkar laipui chu tihhmingchhiat tumin dan loa insawisak hlum hi an tihluar a ni, a ti.

'Modi-a a lar poh leh hetianga insawkna thleng hi a tam dawn a ni", tiin Meghwal chuan a sawi. Kum 1984-a Sikh mite tualvuakna thleng kha India rama dan loa insawisak hlumna thleng lian ber a nih thu a sawi bawk. Hemi rual hian insawisak hlumna thleng ṭhin chu a dem thu sawiin, pawikhawihtute a na thei ang bera hrem a phut thu a sawi.