Home Minister-in Student Police Cadet programme tlangzarh

Union Home Minister Rajnath Singh chuan kar kalta Inrinni khan Haryana-a Gurugram-ah 'Student Police Cadet' (SPC) programme a tlangzarh.

Tau Devi Lal Stadium-a programme a tlangzarhnaah minister chuan SPC progrmme hi high school, Class 8 leh 9 zirlaite tana buatsaih a nih thu sawiin, ram pumah kalpui tum a ni tih a sawi. He programe hi zirlaite khua leh tui ṭha zawk ni tura buatsaihna a ni tih sawiin, dan leh thupek tak ṭha taka zawm zirtir na tu te, midangte laka mawhphurhna an neih zirtirna te, mi rethei leh chak lo zawkte khawngaih zirtir leh, khawtlang siamṭhatna kawnga tha an thawh ve theih dan zirtirna tur a ni tih a sawi.

SPC programme kalpuina tur hian sorkar laipui chuan cheng vaibelchhe 67 a ruahman a, school tinah education aids, training leh contingency neihna Rs 50,000 pek an ni ang. State leh union territories-ah a tahtawla kalpui tum a ni.

Programme tlangzarhnaah hian Union Human Resource Development Minister Prakash Javadekar pawh a tel a, SPC programme chuan school environment him zawk siamin zirlaite inthununna ṭha leh inrintawkna a siamsak dawn a ni, a ti. He programme atan hian zirtirtute chu Community Police Officers (CPO) leh Additional CPO atan police-ten training an pe dawn tih a sawi.

Javadekar chuan heng zirlaite puala programme siam hian class, physical training, field visit, SPC camp leh practical project-te a huam tel dawn tih a sawi. Sorkar school-ah kalpui hmasak niin, a hnuah private school-ahte pawh kalpui vek tum a ni, a ti. Zirlaite chuan law leh constitution, communication skill, disaster management, health leh hygience te an zir dawn tih a sawi.