Hyderabad-a kutdawh 9000 man khawm

Hyderabad khawpui chu kutdawh awm lohna hmuna siam tuma beihpui thlak chhunzawm zel a ni a, Prison department chuan beihpui an thlaknaah kutdawh 9000 dawn an man khawm tawh.

Prison department chuan kutdawh an man khawm zinga 300 chu rehabilitation centre-ah an dah tih sawiin, heng hmunah hian lehkha te zirtirin, hna thawh tur remchang te ngaihtuahsak an ni dawn tih a sawi.

Telangana Prison Department Inspector General Narsimha chuan kutdawh dap hna chu Hyderabad khawpuiah chauh ni lo, state pumah kalpui a duh thu a sawi. "Telangana Prison Department thupui chu kutdawh laka fihlim Hyderabad khawpui siam a ni a, hei hi Telangana state pumah pawh kalpui kan duh a ni. Prisons DG pawhin Telangana sorkar hnenah kutdawh awm lohna state a siam tura beihpui thlakna tur thupek tichhuak tur pawhin a ngen tawh a ni", a ti.

Nikum November thla aṭang khan Hyderabad khawpuia kutdawhte vai hna hi thawh ṭan a ni a, an zinga tam tam chu hna thawh tur pek an ni tawh a ni. Prison department chuan khawpui chhung hi fangkualin kutdawhte hi an mankhawm ṭhin a ni. Kutdawh an mante awmna tur in pahnih hi siam a ni bawk a, Chanchalguda jail-ah mipa awmna tur siamin, hmeichhe awmna tur hi Challapalli jail-ah siam a ni bawk.