IAF helicopter tlaa hliam tuar Capt Singh a thi

Tamil Nadu-a December 8-a Chief of Defence Staff General Bipin Rawat chuanna helicopter tlaa hliam tuar, group captain Varun Singh chu damdawi-inah hun eng emaw chen enkawl a nih hnuin nimin zing khan a hliam tuar loin a thi ve leh.

Captain Singh hi a taksa a kang nasa hle a, Wellington aṭangin Bengaluru Command Hospital-ah lak a ni a, doctor-ten theihtawp chhuah mah se an chhan zo ta lo a ni.

Indian Air Force chuan Captain Varun Singh thih thu hi puangin, a chhungte an tawrhpui thu an sawi. Prime minister Narendra Modi pawhin a ui thu sawiin, ram tana a hnathawhte chu hriatreng a ni dawn tih a sawi bawk.