Lakhimpur Kheri : Union Minister fapa thubuai siam belh sak dawn

Uttar Pradesh-a Lakhimphur Kheri-a loneitu nawrh huaihawtte beih an nih chungchang chhuitu, Special Investigation Team (SIT)-in he thil thleng hi ruahman lawk nia a sawi hnuah, pawikhawihna thlenga mawhphurtu zinga mi union home minister Ajay Mishra fapa Asish Mishra pawh thubuai siam belh sak a ni dawn.

SIT-in mi 13-te lakah thubuai siamsak a dilna chu chief judicial magistrate court-in a pawmsak avangin, Asish Mishra leh a thurualpui chu tualthat tuma puhna thubuai siamsak an ni dawn a ni. Pawikhawihna thlentua puh mi 13-te chu Thawhlehni khan court-ah hruai an ni.

Lakhimpur Kheri-a loneitute beihna thleng chu ruahman lawk a ni ngei tih SIT member chuan sawiin, court hnenah pawikhawihtute kut aṭang hian ralthuamte an man tel vangin thubuai an lo ziahluh tawh, IPS section 338 chu IPC 326 leh 307-a thlak tura an ngen thu a sawi bawk.