Mipui sawisak rawn hlauh vangin Choksi a rawn kir duh lo

Punjab National Bank (PNB) a sum tam tham tichingpennaa mawhphurtu zinga puh, Gitanjali Gems promoter Mehul Choksi chuan special court-ah a laka non-bailabe warrant tihchhuah chu cancel turin a ngen a, India rama hruai kir anih chuan mipui sawisak hlum a hlau tih a sawi.

Choksi chuan amah chhawr ṭhintu leh debtor te bakah jail staff leh jail tangte lak aṭangin a nunna atana hlauhawm khawpin vauna a tawk tih a sawi. "India ramah mipui sawisak rawn vanga thihna thleng a awm fo a, mipuiten an duh anga dan an lekkawhna a thleng fo a ni" tiin, amah ngei pawhin mi eng emaw zat lak aṭangin vauna a tawk tih a sawi.

Special court-a ngenna a thehluhah Choksi chuan, investigating agency-te chu ṭha taka thawhpuiin zawhna te pawh ṭha takin a chhang niin a sawi. Mahse a hriselna a ṭhat tawk loh vang te, a passport hnawlsak a nih vang te, a nunna atana hlauhawm thei a nih avang tein India ramah chuan a kir thei lo niin a sawi.