PM Modi-a'n National War Memorial-ah zahna hlan

Prime minister Narendra Modi chuan nimina Vijay Diwan hman pualin, Delhi-a National War Memorial-ah ram tana nunna hlantu sipaite zahna hlanin, pangpar a dah.

Vijay Diwas hi kum 1971 indona India-in Pakistan laka hnehna a chan hriatrengna atan hman ṭhin a ni. Nimina he hun hmanah hian PM Modi chuan nikuma ram chhung hmun hrang hrangah victory torch (vija mashaal) palite chu memorial-ah Eternal Flame-ah a dahkhawm bawk.

Nimina National War Memorial-a hun hmanah hian defence minister Rajnath Singh bakah armed forces pathuma an hotute pawh an tel.

PM Modi chuan India ram mipuite aiawhin, 1971 war-a sipai huaisente chu zahna chibai a buk tih sawiin, ram tana an inpekna hi ram mipuiten an chhuangin an lakah bat lian tak an nei kumkhua tawh dawn a ni, a ti. Heng sipaite rinawmna, huaisenna leh inpekna chu ṭhangṭhar zelte fuihtu leh chotu a ni zel dawn tih PM chuan a sawi.