UP sorkarin bawng enkawlna in siam dawn

Uttar Pradesh-a BJP sorkar chuan an state-a bawng venhimna turin shelter home siam a tum.

Sorkar laipuiin Smart City project a siam hnuaiah UP sorkar hian Prime Minister Narendra Modi-a parliamentary constituency Varanasi leh Faizabad-a bawng humhalhna turin shelter home hi din a tum a ni. Bawng enkawl tur in leh an tlatna tur ram siam na tan hian district thuneitute chuan ram square meter 2,529 a zau an ruahman tawh a ni. 

District dangah pawh bawng enkawlna in siamna tur ram hi zawn mek a ni bawk. Varanasi-a bawng enkawlna in siamna tur atan hian state sorkar chuan cheng vaibelchhe 10 a ruahman a, he hmunah hian bawng 5,000 an leng dawn a ni.