Bhutan-in civil mi chawimawina sang dawng turin PM Modi thlang

Bhutan chuan nimin khan prime minister Narendra Modi chu an ramin civil mite hnena chawimawina a pek theih sang ber, Ngadag Pel gi Khorlo Award dawng turin a thlang.

Bhutan prime minister Lotay Tshering chuan an ram lalin Ngadag Pel gi Khorlo dawng tura Narendra Modi thlan anih thu a puang chu lawmawm a tih thu social media-ah a tarlang a ni. Bhutan mipuite chuan Modi chu lawmpuina an hlan tih sawiin, mi ropui tak a nih thu leh, hmaichhana he chawimawina hlan hi an nghakhlel hle tih a

sawi bawk.

Civil chawimawina sang dawng tura Modi thlan a nih thu a puan rualin, Bhutan lal Jigme Khesar Namgyel Wangchuk chuan hun rei tak aṭangin India chuan phut let nei loin Bhutan chu theihtawpin a thlawp ṭhin a, Bhutan tana ṭhian ṭha tak a nih thu a sawi.

India hian Covid-19 hripui a len hnuah Bhutan hi kawng hrang hrangin a lo pui tawh bawk a, Covid-19 vaccine leh damdawi hmanrua eng emaw zat a lo thawn tawh a ni.