Congress in Prime Minister leh Defence Minister lakah Privilege Motion an putlut

Congress party chuan Prime Minister Narendra Modi leh Defenc Minister Nirmala Sitharaman-i lakah privilege motion a putlut.

Motion hi Lok Sabha-ah Nilaini khan an thehlut a ni. PM Modi leh Defence Minister Sitharaman-i te chu France aṭanga Rafale aircraft lei tura inremna siam danah thu dik tawk lo House hnenah hrilhah an puh a ni.

Congress hruaitu Mallikarjun Kharge-i chuan zero hour-ah motion hi pulutin, PM thiltih dan chu privilege committee ngaihtuah tir turin Lok Sabha Speaker Sumitra Mahajan-i hnenah a ngen. Rafale deal siam chungchangah hian eirukna nasa tak a awm niin Congress hruaitu Jyotiraditya Scindia chuan a sawi a, Defence Minister Sitharaman-i chu thu dik lo a sawi vangin a chungchang chu privilege committee tir turin a ngen ve bawk.

Speaker Sumitra Mahajan chuan Privilege motion putluhte hi zirchian mek a nih thu a sawi a, hetihlai hian BJP MP Anurag Thakur chuan Congress President Rahul Gandhi lakah privilege motion hi a pulut ve bawk. BJP MP chuan Rahul Gandhi chu Rafale inremna chungchangah House-ah thu dik lo a sawi niin a sawi ve leh bawk a ni.