Kargil War-a martarte zahna hlan

Jammu and Kashmir-a Kargil-Drass sector-a kum 1999-a India leh Pakistan indonaa India-in hnehna a chan hriatrengna atan July 26 chu kumtinin Kargil Vijay Diwas atan hman ṭhin a ni. Nimin khan Kagil War champha vawi 19-na pualin he indonaa ram tanta nunna hlantu, martarte zahna hlan a ni.

President Ram Nath Korvind chuan a twitter-ah sipai martar-te zahna hlanin, India mipuite chuan sipai te inpekna leh an huaisenzia an hriatpui vek a ni, a ti. Kargil War-a ram tana nunna hlantute chu India chuan zahna a hlan a, an chhungte laka bat tam tak a nei a ni, a ti.

Prime Minister Narendra Modi pawhin sipaite inpekna leh, nunna chante zahna a hlan bawk. Sipai hotute leh hruaitu hrang hrangte pawhin sipaite zahna an hlan bawk a ni.

Martarte-te hriatrengna hmun siam, Dras War Memorial-ah chuan sipai hotute leh sipai martar chhungten nimin khan hriatrengna hun an hmang bawk.

1999 Kargil War hi Indian armed force-a chanchin pawimawh takah ngaih a ni a, thil thleng khat tak hmun sang taka indona thlenga hnehna a channa leh, sipaite chakna enchhinna anga ngaih a ni. Hei baka hian Kargil War hi India ram puma indona thleng TV-a tihchhuah hmasa ber a ni.