DMK hotuin OPS leh Sitharaman-i te bang turin phut

Tamil Nadu-a eptu pawl, DMK Working President MK Stalin chuan Defence Minister Nirmala Sitharaman-i leh Tamil Nadu Deputy Chief Minister O Panneerselvam (OPS) te chu Panneerselvam-a unaupa dam lo tan military air-ambulance hman tir a nih chungchangah bang turin a phut.

Stalin chuan, "O Panneerselvam hian New Delhi-ah a unaupa dam lo tana military air ambulance a hmangtir avanga Defence Minister hnena lawmthu sawi turin a kal tih a sawi a ni. Mimal tana sipai helicopter hmantir a ni hi thil mak tak a ni. Hetianga sipaite hmanrua lo hmansaktu O Panneerselvam leh a hman phalsaktu Defence Minister Nirmala Sitharman-i hi te hi an hna aṭang hian an bang tur a ni", a ti.

Hetih lai hian BJP member-te chuan social media lamah air ambulance hman man hi Panneerselvam hian a pe niin an tarlang.