Nawrh huaihawt vangin Navi Mumbai-ah internet service titawp

Maharashtra sorkar hnuaia hna lakna leh zirna in Maratha quota pek phuta nawrh huaihawtnaa tharum thawhna a thlen vangin nimin khan Navi Mumbai-ah chuan internet service tihtawp a ni.

Nilaini-ah khan state pumah nawrh huaihawt niin, Kopar Khairne bialah chuan buaina nasa tak a chhuak a, nimin lam thleng khan boruak a la ṭha lo hle. Nawrh huaihawtte hian lungin motor an vawm a, tualchhung mi ṭhenkhatte nen intibuaiin hmun ṭhenkhat an hal bawk. Police outpost pawh hal a ni bawk. He thil hi nawrh huaihawttu, Maratha organisation-in bandh tihtawp anih thu a puan hnua thleng a ni. Police-te chuan Kopar Khairane biala buaina chawk chhuaktute hnawhdarh nan hian teargas te a hmang a ni.