RSS hi sorkar thununtu a ni lo : Mohan Bhagwat

Rashtriya Swayamsevak Sang (RSS) hotu Mohan Bhagwat chuan RSS chu centre-a BJP kaihhruai sorkar laipui control-tu a ni lo tih a sawi.

"Rorel kalphung hran, policy hran leh hnathawh dan pawh hrang vek nei an ni. Sorkara mi pawimawh tak takte chu Sangh mi an ni a, an ni reng dawn bawk. Hei bak hi a inlaichinna a awm lo a, media lamin RSS chu BJP sorkar thununtu, remote control anga an sawi hi a ni lo," a ti.

RSS hotu hian Inrinni-a Dharamshala-a ex-servicemen te inkhawm buatsaihah he thu hi a sawi a, he huna kalte chu Sangh chungchang chu hrechiang turin a ngen.

"Sorkar tam takin min sawisel a, min dodaltu pawh an awm reng a ni. Sangh hian hun harsa leh khirh tak tak paltlangin kum 96 a ding tawh a ni," tiin RSS chu vantlang ṭhatna turin a thawk reng a, sorkar puitu a ni tiin an kaldan chu an puangzar ve lo mai tih a sawi.

Mohan Bhagwat chuan India mite zawng zawng DNA chu a in ang vek a ni a ti a, "Kum 40,000 liam taa India mite leh vawiina mite pawh an DNA hi a inang vek. Min thlahtute thuhmun a ni a, anmahni avangin kan ram pawh a dingchhuak a, kan culture pawh a awm chhunzawm zel thei a ni," a ti.