Kan sipaiten India-a siam chauh an hmang dawn : Rajnath Singh

Defence minister Rajnath Singh chuan India sipaite chuan India rama siam chauh hmanrua an hmang dawn tih a sawi.

Inrinni liam taa Federation of Indian Chambers of Commerce and Industry (FICCI) annual convention-a thu a sawiah, Rajnath Singh chuan he thu hi US, Russia, France leh ram dangte a hrilh a, hemi rual hian khawvel ram tam zawk chu India ram ṭhianṭha tak an ni tih a sawi nghal bawk.

India chu defence technology lamah ram dang lakah a innghat reng thei lo tih a sawi a, sipaite hmanrua mamawh chu India ram chhunga siam ngei an duh tih a sawi. Sipai hmanrua siamtu ramte chu India ramah rawn siam turin a sawm nghal bawk a ni.

'Hei hi midangte kan beih tumna lam a ni lo a, mahse kan armed force-te hmelmate bei tura a ṭul hun apianga an inpeih theihna tura kan buatsaih tumna a ni," tiin Singh chuan a sawi. India defence and aerospace marketing hlut zawng hi Rs vbc 85,000 vel a ni mek a,hei hi kum 2022-ah chuan Rs vbc nuai 1-ah tihpun tum a ni bawk.